На денешната прва редовна седница на новиот состав на предлог на премиерот Спасовски како негова заменичка за економски прашања е именувана Мила Царовска, како и министерот за политички систем и односи меѓу заедниците Садула Дураки. Драги Рашковски останува генерален секретар на Владата.

На првата владина седница присуствуваа и новите технички министри од редовите на ВМРО-ДПМНЕ за внатрешни работи Наќе Чулев и за труд и социјална политика Рашела Мизрахи. Мизрахи на првиот работен ден на Фејсбук објави дека министерството со кое сега раководи наместо проблеми мора да наоѓа решенија.

,,Сиромаштијата е галопирачка, ранливите категории граѓани се на маргините. Достоинството на пензионерите е разнишано. Доаѓа време на одлуки и промени…, напиша новата техничка министерка.—„Тимот на Мизрахи е составен од веќе познати лица на јавноста од режимското владеење на ВМРО ДПМНЕ“, одговорија на статусот од СДСМ.

На првиот работен ден дополнителниот заменик министер од ВМРО-ДПМНЕ Цветан Трипуновскиго претстави својот тим советници кои, како што рече, заедно со него ќе ги донесат промените во земјоделскиот сектор.

Неговата колешка Невенка Стаменковска изјави дека во Министерството за информатичко општество и администрација имало индиции за партиски огласи за вработувања и непотизам.

За очекувањата од преодната влада новиот технички министер за внатрешни работи Чулев вчера во Собранието изјави дека негова приоритетна цел ќе биде организирање на мирни, фер и демократски избори.

Сепак, најави дека најави дека ќе изврши увид во состојбите во Министерството и ќе ја информира јавноста доколку се издавале незаконски решенија за вработување.