Еден 25-годишен маж го загуби животот, откако бил нападнат од ајкула во близина на брегот на градот Велфлит во американската сојузна држава Масечусетс.

Како што јави ДПА, мажот влегол да се капе во водите на Атлантскиот Океан, занемарувајќи ги таблите со предупредување, кои укажувале на опасност од ајкули.

Спасувачите екипи успеле да го извлечат мажот од водата, но тој набрзо во болница им подлегнал на здобиените повреди од угризите на ајкулата.