Поранешниот директор на УБК, Владимир Атанасовски вечерва е приведен и изведен пред истражен судија на распит по барање на Обвинителството за организиран криминал и корупција. Обвинителката Вилма Русковска побарала мерка притвор за Атанасовски.

Неговото приведување доаѓа откако Атанасовски заедно со поранешниот началник на петтата управа Никола Бошковски и советникот на претседателот Ѓорѓи Иванов, Синиша Алексоски беа посочени како организатори и наредбодавци за насилството во Собранието на 27 април, минатата година од дел од обвинетите кои сведочеа пред Кривичниот суд за случајот.